તમારા દલડા ને વારો, મારા રે સમ માનો જી રે

 તમારા દલડા ને વારો, મારા રે સમ માનો જી રે

તમારા રુદિયા ને વારો, મારા રે સમ માનો જી રે...

હે... ક્યો તો ગોરાંદે મેડીયું ચણાવું અને ટોડલે મોરલા જડાવું, 

મારા રે સમ માનો જી રે

મેડીયું ના મોહ મારે મનડે નથી ને તારા હૈયડે વસ્યા ની મુને હામ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...


હે... ક્યો તો ગોરાંદે સોને રૂપલે મઢાવું પછી હારલા માં હિરલા જડાવું, 

મારા રે સમ માનો જી રે

સોના રૂપા નો મોહ મારે મનડે નથી ને તારી ચુંદડી ઓઢયા ની મુને હામ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...

હે... ક્યો તો ગોરાંદે મારા દલડા ઓવારૂ પછી પલ માં હું પાસરુ રે પ્રાણ, 

મારા રે સમ માનો જી રે

ઘણું જીવો રે મારા રંગભર રસિયા હું તો ભવભવ ના માંગુ સંગાથ, 

મારા રે સમ માનો જી રે

તમારા દલડો ને... હે... તમારા રુદિયા ને...
તમારા દલડા ને વારો...

Tamara dalda ne varo mara re sam mano ji re

તમારા દલડા ને વારો, મારા રે સમ માનો જી રે

તમારા દલડા ને વારો, મારા રે સમ માનો જી રે
તમારા રુદિયા ને વારો, મારા રે સમ માનો જી રે...

હે... ક્યો તો ગોરાંદે મેડીયું ચણાવું અને ટોડલે મોરલા જડાવું, મારા રે સમ માનો જી રે
મેડીયું ના મોહ મારે મનડે નથી ને તારા હૈયડે વસ્યા ની મુને હામ, મારા રે સમ માનો જી રે
તમારા દલડો ને... હે... તમારા રુદિયા ને...
તમારા દલડા ને વારો...


હે... ક્યો તો ગોરાંદે સોને રૂપલે મઢાવું પછી હારલા માં હિરલા જડાવું, મારા રે સમ માનો જી રે
સોના રૂપા નો મોહ મારે મનડે નથી ને તારી ચુંદડી ઓઢયા ની મુને હામ, મારા રે સમ માનો જી રે
તમારા દલડો ને... હે... તમારા રુદિયા ને...
તમારા દલડા ને વારો...

હે... ક્યો તો ગોરાંદે મારા દલડા ઓવારૂ પછી પલ માં હું પાસરુ રે પ્રાણ, મારા રે સમ માનો જી રે
ઘણું જીવો રે મારા રંગભર રસિયા હું તો ભવભવ ના માંગુ સંગાથ, મારા રે સમ માનો જી રે
તમારા દલડો ને... હે... તમારા રુદિયા ને...
તમારા દલડા ને વારો...

કાનજી તારી મા કહેશે પણ અમે કાનુડો કહેશું રે

કાનજી તારી મા કહેશે પણ અમે કાનુડો કહેશું રે…
એટલું કહેતા નહી માને તો ગોકુળ મેલી દેશું રે…
માખણ ખાતાં નહોતું આવડતું મુખ હતું તારૂં એંઠુ રે…
ગોપીઓએ તારું ઘર કેરાણુ જઈ ખુણામાં પેઠું રે…
કાનજી તારી મા….

ઝુલણ પહેરતાં નહોતું આવડતું અમે તે દી’ પહેરાવતાં રે…
ભરવાડોની ગાળ્યું ખાતો અમે તે દિ’ છોડાવતાં રે…કાનજી તારી મા….

કાલો ઘેલો તારા માત-પિતાનો અમને શેના કોડ રે…
કરમ સંજોગે આવી ભરાણા આંગણાં જોડાજોડ રે…કાનજી તારી મા….

ઘૂટણીયા ભેર હાલતો ચાલતો બોલતો કાલું ઘેલું રે…
ભલે મલ્યા મહેતા નરસિંહના સ્વામી પ્રેમ ભક્તિમાં રેલું રે…કાનજી તારી મા….

કાનજી તારી મા કહેશે પણ અમે કાનુડો કહેશું રે…
એટલું કહેતા નહી માને તો ગોકુળ મેલી દેશું રે…

Kanji tari ma kaheshe pan ame kanudo kaheshu re

એક વણઝારી ઝૂલણાં ઝૂલતીતી,

એક વણઝારી ઝૂલણાં ઝૂલતી’તી,
મારી અંબેમાંના ઝૂલણાં ઝૂલતી’તી.
માએ પહેલે પગથીયે પગ મૂક્યો,
માની પાની સમાણાં નીર મોરી માત;
વણઝારી ઝૂલણાં ઝૂલતી’તી.
માએ બીજે પગથીયે પગ મૂક્યો,
માનાં ઘૂંટણ સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ ત્રીજે પગથીયે પગ મૂક્યો
માનાં ઢીંચણ સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ ચોથે પગથીયે પગ મૂક્યો,
માના સાથળ સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ પાંચમે પગથીયે પગ મૂક્યો,
માની કેડ સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ છઠ્ઠે પગથીયે પગ મૂક્યો,
માની છાતી સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ સાતમે પગથીયે પગ મૂક્યો,
માનાં ગળાં સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ આઠમે પગથીયે પગ મૂક્યો,
માનાં કપાળ સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…
માએ નવમે પગથીયે પગ મૂક્યો,
માનાં માથાં સમાણાં નીર મોરી માત;
વણઝારી ઝૂલણાં ઝૂલતી’તી.
એક વણઝારી…

ઉંબરે ઊભી સાંભળું રે બોલ વ્હાલમના

ઉંબરે ઊભી સાંભળું રે બોલ વ્હાલમના;
ઘરમાં સૂતી સાંભળું રે બોલ વ્હાલમના.
ગામને પાદર ઘૂઘરા વાગે,
ઊંઘમાંથી મારાં સપનાં જાગે,
સપનાં રે લોલ વ્હાલમનાં.
ઉંબરે ઊભી સાંભળું રે બોલ વ્હાલમના.
કાલ તો હવે વડલાડાળે ઝૂલશું લોલ,
કાલ તો હવે મોરલા સાથે કૂદશું લોલ,
ઝૂલતાં ઝોકો લાગશે મને,
કૂદતાં કાંટો વાગશે મને,
વાગશે રે બોલ વ્હાલમના.
ઉંબરે ઊભી સાંભળું રે બોલ વ્હાલમના.
આજની જુદાઇ ગોફણ ઘાલી વીંઝશું લોલ,
વાડને વેલે વાલોળપાપડી વીણશું લોલ.
વીંઝતાં પવન અડશે મને,
વીણતાં ગવન નડશે મને,
નડશે રે બોલ વ્હાલમના.
ઉંબરે ઊભી સાંભળું રે બોલ વ્હાલમના;
ઘરમાં સૂતી સાંભળું રે બોલ વ્હાલમના.

નવરાત નવેલી બની અલબેલી ભાવ ભરેલી ભભકેલી

નવરાત નવેલી બની અલબેલી ભાવ ભરેલી ભભકેલી,
પર્વત પર ખેલી કમર કસેલી સંગ સહેલી સાધેલી,
બની ચંપક વેલી માણ્ય ભરેલી સોળ સાહેલી શણગારી,
ચામુંડા ચંડી ધજા પ્રચંડી અસુર વિખંડી અવતારી...... [1]

નવરાત નિહાળી દિનદયાળી કામ પ્રજાળી કિરતાળી,
જમરાપર જ્વાળી કોપ દશાળી ભરિયેલ ભાએ ભલકારી ,
દહરી ડાકાળી કર કાતાળી માયા વાળી મોરારી,
ચામુંડા ચંડી ધજા પ્રચંડી અસુર વિખંડી અવતારી....[2]

કરુણામય કરની ભવ જગ ભરની સંકટ હરની તું સરની,
વર શંકર વરની દૈતાં દરની ખપર ભરની દુઃખ હરની,
તારક જળ તરની આપ અમરની સદા સુમરની સુખકારી,
ચામુંડા ચંડી ધજા પ્રચંડી અસુર વિખંડી અવતારી..... [3]

શણગાર સજેલી આપ અકેલી સિંહ ચડેલી ચમકેલી,
શિખર પર સેલી વરે વહેલી તિહાં રહેલી રણઘેલી,
જ્યોતી ઝળકેલી ધજા ફરકેલી આપ દિઠેલી અણધારી,
ચામુંડા ચંડી ધજા પ્રચંડી અસુર વિખંડી અવતારી..... [4]

નવરાત નિવાસં હરદ હુલ્લાસં રમતી રાસં હરખાશં,
ઉજ્વળ કર આશં મંગલ માશં નવે નિવાસં નવરાશં,
પુરણ કર પ્યાસં ભવજલ ભાસં નિસ્તરાશં નરનારી,
ચામુંડા ચંડી ધજા પ્રચંડી અસુર વિખંડી અવતારી..... [5]

કર રૂપ કરાળં નહદ નતાળં ભગતાં ભાળં વિકરાળં,
મહિષાસુર મારં તૈગતી તારં કર કરારં ખોંખારં,
ધધકે લોહી ધારં આપ અહારં પાડા જાડા પડકારી,
ચામુંડા ચંડી ધજા પ્રચંડી અસુર વિખંડી અવતારી..... [6]

નિરખી સુખ ન્યારા દેવ દિદારા પામત પારા કો આરા,
કવિ ‘પિંગલ’ ઉચારા શુભ ગુણ સારા માતું તારા મન ધારા,
માફિ કર મારા અવગુણ સારા દોષ હજારા દિલધારી,
ચામુંડા ચંડી ધજા પ્રચંડી અસુર વિખંડી અવતારી..... (7)